السلام عليكم ورحمة الله وبركاته
الحزن النبيل لى الفنان الراحل مصطفى سيد احمد
وبقيت اغني عليك
غناوى الحسرة والاسف الطويل
وعشان اجيب ليك الفرح
رضيان مشيت للمستحيل
ومعاك فى اخر المدى
فتينى يا هجعة مواعيدى القبيل
بعتيني لى حضن الاسى
وسبتيني للحزن النبيل
ومشيت معاك كل الخطاوى الممكنة
وبقدر عليها وبعرفها
اوفيت وما قصرت فى حقك
ولاكان عرفة غيرك اصادفها
وقدر هواك يجيبني ليك
جمع ققلوبنا وولفها
وكتين بقيتى معاى فى اعماقى
فى اعماق مشاعرى المرهفة
لامنك ابتدت الظروف لابيك انتهت الامانى المترفه
نــــــــــــدمان انا
ابدا وحاتك
عمرى ماشلت الندم
ما اصلو حال الدنيا
تسرق منية فى لحظة عشم
وانا عندى ليك كان الفرح رغم احتمالى اساك
ياجرح الالم
كان خوفى منك
جاى من لهفة خطاك
على المواعيد الوهم
اهو نحن فى الاخر سوا
باعنا الهوى
ماشين على سكة عدم
وبقيت اغنى عليك
غناوى الحسرة والاسف الطويل
